mannurat.com

wen, bastos. ken tarantado, gago, ken no ania la ditan a di malamlamut ti aso wenno pusa ti innak isao, wen, ibassawang no isu. pakawanennak, apo.

mangibabain ngamin daytoy a kailiak a padi a catolico romano. kailiak, kunak, a, ta taga-nueva vizcayaak la ngaruden, ilik a mismo dayta dupax del norte (poblacion wenno centrona dayta malasin). nagawan a naimbag a sursurona daytoyen a padi. ania laengen ti nasursurona iti seminario, apay a nagtuloy pay la a pinaordenan a padi no kastoy ti naturalna daytoy a padi? rabakem dayta padi a mapan makibirbirhaus?

naynayonanna la ngarud ti puntos ti umad-adu a diakon panagtalek kadagiti papadi ken mamadre a padi wenno madre a maawagan wenno naordenan kas mannursuro, mammastor, tagaserbi ti dios, ken no ania la ditan ngem adda ken adu met kadakuada ti kriminal, ipokrito, matapobre, kumukunniber, rapist, pedophile, demonio, diablo, satanas.

pasensiakayon, saanko a kagurgura amin a padi wenno madre wenno sinno pay a tao ti simbaan. adu ti gagayyemko a seminarista ken ex-seminarista idi agingga ita, hehe! adda pay barkadak a dati kaeskuelaak idi iti colegio a padi itan iti maysa a parish idiay cavite. ngem adda laeng dagiti padi ken madre a napaneknekak nga awan serserbina a padi wenno madre. wen, ibagbagak dayta ta padasko. ngem narigat ti agibagbaga. umanay pay lattan a kondenarek dagiti kas itoy padimi idiay dupax del norte a tarantado ken laglag.

Vizcaya priest finally charged for kissing, biting GRO’s lips

By Charlie Lagasca
Monday, February 25, 2008

BAMBANG, Nueva Vizcaya – After almost six months, police and social welfare officials filed a case of unjust vexation before the provincial prosecutor’s office against a Catholic priest who reportedly bit a guest relations officer (GRO) on the lips while he was drunk inside a videoke bar here in July last year.

The case, docketed as I.S. No. 5356-B-2008, was transmitted last Feb. 20 by Chief Inspector Joseph de la Cruz, this town’s police chief, and Myrna Pinaroc, municipal social welfare officer, against Fr. Elmer Saludares, parish priest of Saint Anne Parish in Barangay Malasin in neighboring Dupax del Norte town.

Saludares was accused of biting the lips of Genalyn Abella while at the Estrella’s Videoke Bar in San Antonio on July 17 last year.

Church authorities in the diocese could not be reached for comment.

Three weeks after the incident, Bayombong Bishop Ramon Villena, a known ally of President Arroyo, came out with a statement expressing “sincere apology” to the faithful for an incident that might have “scandalized, hurt and offended” them.

“As your humble bishop and shepherd, I, on behalf of the clergy in the diocese of Bayombong, apologize to you who have been in one way or another scandalized, hurt and offended by the news reports last week against one of our priests,” Villena said.

The filing of the case was delayed by almost six months after Abella, 25, a resident of this town, reportedly finally overcame her fear of being the subject of ridicule and humiliation and eventually decided to push through with the filing of an affidavit of complaint against the priest.

Also filing a support affidavit in the case was Victor Allan Garcia, a 21-year-old waiter from Caloocan City, who allegedly witnessed the incident between Saludares and Abella.

According to the blotter of the municipal police, the allegedly drunk suspect, who was later identified to be a priest, was then with two other companions when he allegedly bit Abella’s lips.

He then went wild and refused to pay his bills when he was accosted by Garcia (then described in the report as a bouncer) about what he did to Abella.

The priest, the bar workers claimed, even challenged Garcia to a gun duel.

A responding cop, identified as PO1 Jason Morales, said that it was only after the police arrived that the priest agreed to calm down and pay his bills.

kamaudiananna.

wen, at last, sa wakas, addan ‘tay padpadaanantayo a website ti palanca!

padpadaanan, kunak man, ta nabayagen a a mailanlanad iti daytay pilpil-apantayo (a mannakisalip iti palanca) nga authorization form nga intay’ pay ipampanotario iti abogado a pangisapataantayo a bukodtay’ a putar ti sinurat nga isaliptayo, ken ti panangipalubostayo iti "publication/presentation/re-publication and/or dissemination of all winning entries as provided therein in any manner or form, including through the Internet."

wen, babaen kano ti internet. kayatna a sawen, "make the work/s available for downloading on the Internet."

ket natungpal daytan iti kaaddan ti website ti palanca awards, piman!

sinampolak ngaruden, a, ti nagdownload kadagitoy nga available a winning pieces. nagsayaaten, saanen a masapul a mapmapanak pay idiay makati tapno innak agipaseroks kadagiti obra a kursunadak (hmm, adun, a metten ti napaspaseroksko a sarita ken daniw, iti tagalog ken english; ket adu metten ti nagastok iti pagpaspaseroks, piman!) addayta, daytoy la agidownloaden, uray alaem aminen no kayatmo, amin a manuskrito.

nupay kasta, ti pay la available agingga kadagitoy a kanito ket dagiti winners idi 2006. inan-anusak, a, ti nagdownload. ket ti maysa a pagsayaatanna daytoy, ti adda a maala ket natural dagitay orihinal a manuskrito kas insumite nga entry dagiti nakisalip. isu dagitoy dagiti manuskrito a nayawat kadagiti hurado. in fact, dagita met a talaga ti masarakan iti pagilebbenan ti palanca foundation sadiay makati. orihinal, ket kayatna a sawen, unedited, a, ania pay. ditamon a makita wenno mabasa ti orihinal a panangisurat ken panangisagana ti mannurat iti entryna. dakkel ti pagdumaanda, ania pay, iti daytay mabasa a naipablaak. mabasa ken makitam amin ditan a typo errors, tipo ti lengguahe (language construction), gramar, ispeling ken dadduma pay nga orihinal a sagursor ti autor iti manuskritona (hell, pati rukod ti margin ti file ti manuskrito, mabalinmo a siripen no curiouska no nagtallugod met la ti mannurat iti rules iti margin). a maiduma no kua iti naediten wenno nakayasanen wenno nadalusanen a naipablaak.

nasayaat a pagadalan dagitoy nga orig a manuskrito. barbareng no maipanda amin a manuskrito ti amin a winners iti amin a tawen, manipud 1950 agingga iti kaudian (2007). ta ikarigatak a downloaden amin ida man, sal-at ketdi. sal-at, kunam man ta adu manen ti mainayon kadagiti pangted a babasaen.

ket wen, saan la a pagdownloadan iti winning entries dayta website. maala pay ditan dagiti masapsapul no makisalipka kas iti annuroten kada formulario (awan pay ketdi ti 2008 rules ken forms). ken mabalin (sa) payen nga ipatulod babaen kadayta a website dagiti entry. sa, kunak, a, ta iti pannakaipanpanablaag daytoy ket diak pay pinadas no mayaten ti pagisumitean (ta awan pay met entryk, piman, nga isumitek). ngem panagkitak ket mabalbalin san. padasenyo man ketdi no mabalinen.

ala, inkay nga`d sarungkaranen ti palanca website! good luck iti panagdownloadyo ken happy reading!

nasdaawak laengen ta kadagiti naglabas nga aldaw ket agsasaruno metten ti packages nga ideliver ti 2go courier service.

ket anian a ragsakko ta bin-ig a libro dagitoy a packages ket manen, naggapuda ken ni kabsat a ferdie abuan ti ciudad ti san fernando.

umad-adu nga umad-adu ti mainayon kadagiti pangted a basaen itoy a 2008. dinumona ta bestsellers amin dagitoy a libro! ‘tay pagaayat a basaen a thrillers, naval/military thrillers kaaduanna ken dadduma pay, a makuna nga unputdownable–’tay no rinugiamon a basaen dimon kayat koma nga idisso pay agingga a dim’ maiwakas a basaen. kastoy ti nariknak wenno kinuak kadagidi kas dagiti 7 a books ti harry potter series ken dagiti libro ni dan brown.

adtoy man dagiti baro a libro manipud iti nagsayaat ti panagpuspusona a gayyem (ta ammona lattan ti weakness ti maysa a bookworm!):

shark mutiny ni patrick robinson (apaghusto ta adda isarunok iti u.s.s. seawolf met laeng ni robinson, nga inted met laeng ni kabsat ferdie),  ssn ni tom clancy, sacred stone ni clive cussler, fire ice ni clive cussler, the client ni john grisham (nabuyak ti movie version daytoy idin ngem ad-adda a kaykayatko a basaen ti libro; maysa pay laeng ti naiwakasko a libro ni grisham, isu ti the firm, a nabuyak met laeng ti moviena), the hunt for red october ni tom clancy (addan nagatangko a wagwag [php35 lang piman] a red october ngem diak pay nalpas; nagsayaaten ta adda daytoy barbaro a kopia a sagut ni kabsat ferdie!), ken the traitor ni stephen coonts.

manen, agyamanak unay-unay, apo kabsat ferdie! emailannak koma tapno maammuak no dinno ti pangyadresak kadagiti itedko met a libro. 

01.

madama a subsubaybayak ita iti tv ken radio ti panangibutbutaktak iti senado ni engr. jun lozada iti ammona maipapan iti maulit-ulit a mawarwarwar a maatap a kinukunniber nga aramid nga nbn-zte deal. awan met unay ti baro a revelasion ni lozada. makitak nga "adu ti ammo" ni lozada. ta apay a "pinagbakasionda" pay idiay hong kong. sa idi sumangpet iti naia ket "kinidnap" dagiti polis. ken kas nagamkanna kano, posible nga isalbeydsda koman idiay cavite ala-dacer (aniat’ reaksion ngata ni lacson idi nadakamat ni lozada ti dacer? ni pinky lacson ti maysa a kangrunaan a maatap a nangpalikida idi ken ni bobby dacer ken ti driver daytoy). hmmm. kunak la ketdin no adda dakkel ken napigsa a bomba a pabettaken ita ni lozada. ngem dina met ibaga. ad-adu pay siguro ti ammona ngem mabuteng laeng latta nga agikanta ita. awan pay met ti direkta nga imbagana a da mike arroyo a talaga ti akin-aramid wenno ti utek ti amin. mas lalo nga awan ti nadakamat maipapan ken ni gloria arroyo no adda pannakailamikamna. kunak la ketdin no kas idi simmina ken nagkanta ni chavit ket direkta nga intudona idi ni erap. kunak la ketdin no daytoyen ‘tay tagiuray unay dagiti oposision a gundaway tapno mapadisidan iti malakaniang ni gloria arroyo. pirmi koma itan a ragragsak ni napadisi met nga espiker joe de venecia. awan pay met. kitaentay, a. ngem sapay ta di agbuteng daytoy lozada ket ala, ibagana ketdi latta koman amin nga ammo yantangay addaytan a rimmuar ken nagsao. uray daytoy putot ni jdv, bassit laeng met pay ti naibagana. panagkunak, adu pay ti ammona ngem dina ibagbaga ta kas iparparipirip ni lozada iti testimoniana ita iti senado, ad-adu kano ti ammo ni joey de venecia.

02.

no maminsan, nakaam-amak met daytoy senado no kua ta addaan pannakabalin a mangpaaresto wenno mangwanted iti kursunadana a tattao nga imbestigaen ken piliten nga agibutaktak. ti makadakes ta ibilangda lattan a kasla common a kriminal ‘diay tao nga anupenda a piliten a pagsaoen wenno imbestigaen. daydiay umay mangtiliw a senate sergeant-at-arms ket talaga nga adu ti kakaduana nga armado iti atitiddog nga armas. sarhento-de-armas a talaga. ’sinno met ti di mabuteng ken aglemmeng no kasta. santo pay la saan la a senado ti mangwanted kenka no di pay ket dagitay polis a mismo nga umay mangkidnap ken mabalin a mangipalnaaw kenka.

03.

adda a talaga nagsayaatan/pagsayaatanna daytoy narugiak nga inaldaw a panagikur-it iti long hand iti record book. napintas a talaga nga exercise. mental exercise. ehersisio ti agsasadut ken aglaladut a creative writing endeavor/effortko. ken ti nakamaymayat ita, adda naikur-itkon a sumagmamano a vignettes wenno fragments ti mabalin a mabukelto a sarita. addan dua a mabukbukel a sarita. makaparagsak daytoy para kaniak ta for years awan a pulos ti productionko iti fiction departmentko. sumagmamano la a daniw ti maputputar ken maipapabpablaakko. itan addan sa agbalinen a dua a sarita iti awan pay makabulan a panagikurkur-itko. ken maysa a pakaragsakak, maysa a sarita a marugrugian ket idasigko kas speculative fiction. ta simmiasi iti realismo. ngem saan met a fantasy daytoy. saan met a science fiction. estilo ni kafka. wen, impluensiado ken inspirado a talaga ti obra ni franz kafka daytoy bukbuklek a sarita, nangruna iti kafka classic a the metamorphosis. ken inspirado pay dagiti obra ni haruki murakami. inspirado met ngamin ni murakami ken ni kafka. no maitultuloy ken mapalpaskonto daytoy a sarita, padasekto a paipablaak iti bannawag no aniat’ makunada. manmano no di man awan ti mabasbasak nga spec fic iti iloko. no adda man ket pure a fantasy wenno science fiction. awan ti kasla nainkafkaan a sikolohikal ken post-modern. bareng mayatto, a, daytoy a saritak ket bareng maikarinto a maawagan wenno madasig kas spec fic met.

04.

daydiay resulta ti tugade awards 2007, kadagiti agsalsaludsod, urayentayo laengen, apo, ti maipablaak iti bannawag a pakaammo. ket inton maipablaaken ti ofisial a resulta, addanto mabasayo, apo, a palpaliiw maipapan iti salip a mabalin a maiposte iti dadapilan.com wenno ditoy mannurat.com.

05.

libro manen. adda sumagmamano a nagatangko a wagwag a libro: the hunt for red october ni tom clancy, 50 great american short stories nga inurnong/inedit ni milton crane, collected short stories volume 4 ni w. somerset maugham, ken the new doveglion book of philippine poetry nga inurnong/inedit ni jose garcia villa. sumagdudua a recipe books manipud iti nbs: the little adobo book ni gene gonzales ken the adobo book: traditional & jazzed-up recipes da reynaldo gamboa alejandro ken nancy reyes-lumen. kabayatanna, sumagmamano a libro nga either ul-ulitek a basbasaen wenno pangted a padpadasek a leppasen: the blind assassin ni margaret atwood, dubliners ni james joyce, the stories of eva luna ni isabel allende, the duel and other stories ni anton chekhov, the autumn of the patriarch ni gabriel garcia marquez, sa mga kuko ng liwanag ni edgardo m. reyes, the pearl ni john steinbeck, the bell jar ni sylvia plath.

PEBRERO KATORSE

She who did not come, wasn’t she determined
nonetheless to organize and decorate my heart?
                                   – Rainer Maria Rilke

aldaw manen ita daydi umuna a tarheta.
aldaw manen ita daydi naglanglanganta a rikna.
aldaw manen ita daydi nagpaso nga ila.
aldaw manen ita daydi maudi a letra.

ngem katorse manen ita ti amin a pebrero.
pumalpallilit ti iliw iti nalukneng a sappuyot ti segga
a di mauma, a di mamingga. segged ken degges
ti antigo a pisel ken et-et ti bumarbara latta a nakem.
saem man iti saem, di makapanaw nga aliwet.
bisin man iti bisin, di makatalna ti dawatdawat.
bitek iti bitek, di matektek dagiti saltek.

ngarud, arkosam ‘toy pebrero iti babassit a lagip, lanaam
iti ungngo, pekpekkelam tapno lumabanag latta ti pingpingna
ket sumadia ti kada katorse a dumteng. puyotam
i’ta nabara nga anges-anges ti lulonanna a naluangan
iti kaawanmo: sumalibukag pay laeng ti nabatbati nga essem,
maablon ti mabmablesan nga isem: pauli a maiyilut
iti nakadalapus a pispis, bulbulong ti atis ken bangbangsit
a mayabla-ablat iti naan-annongan a pus-ong, niniogan
itlog mamaen basi a maibaribari iti puso a nakabatbati.

manen, aldaw ita daydi umuna a rikna.
manen, aldaw ita daydi naglanglanganta nga ila.
manen, aldaw ita daydi nagpaso a letra.
manen, aldaw ita daydi maudi a tarheta.

(naipablaak iti Bannawag, febrero 11, 2008 nga issue)