dandanin agtapos ti 2007. maikupin man gayamen ti maysa pay a tawen iti biag ti akin-biag, datao. hmm. adu met ketdi ti narugian ken addada met sumagmamano a naleppas wenno naiwakas iti 2007. adda sumagmamano a naputar datao a dandaniw ken adda met sumagmamano kadagitoy ti naipablaak iti bannawag. ad-adu ti narugian a di naiwakas. kas koma iti sumagmamano a sarita a narugian a nabalabala ngem di metten matugawan nga ileppas. ken dagiti adu pay a pangted manipud pay kadagiti adun a naglabas a tawtawen. addada pay story ideas, story plots a tinawtawenen a nakalebben ngem di met la masangon a masurat idinto a dayta la koma mangsuraten ta nalpasen ti plot wenno ti balabala wenno ti istruktura ti sarita. kompleto payen iti referencia, nangruna dagitay kasla historical wenno pseudo-historical sa (no apay met a historical, kunatayo, no adda laokna a historical facts wenno nailugar ketdi iti historical past, ti sarita wenno fiksion; historical fiction, kunada pay? ngem di kad’ history wenno historical latta met uray pay ti setting koma ti fiksion ket iti agdama wenno masakbayan? history in the making, future history.) hmm. ngem saan sa ket a dayta ti mapagsaritaan ita itoy pannakasango a panagpanablaag.

reading list. wenno dagiti basbasaen ken pangted a babasaen a nalpasen wenno narugianen ngem agpatingga a pangted a di met laengen malpas a maikupin a mabasa. libro. librlibro latta. saan ngamin nga agpatingga ti panagadu ti nanumo a koleksion. agkaiwarada pay ketdin. ta di pay met naurnos a maisinop ta agkurang ti pagikkan wenno pagilebbenan a nasayaat. hmm, diak pay nakaaramid iti kapkapnekan a bookshelves.

adtoy man dagiti madama a basbasaek a libro, set 1:

re-readingko daytoy "love in the time of cholera" ni gabriel garcia marquez. nabasak daytoy idin kas ebook. ngem kayatko nga uliten ket gimmatangak iti printed a copy iti edition ti novela a companion ti naaramid a peliculana. wen, adda movie version daytoy nga oevre ni gabo. ket pirmi a panangpadaanko iti pannakabuyak iti pagsinean wenno iti dvd. manen, re-reading met daytoy "one hundred yearsof solitude" a magnum opus ni marquez. natignayak iti panangre-readko iti "love in the time of cholera" ket nasken met a basaek manen daytoy "cien años de soledad" ket koma met, idawdawatko a mayaramidan met iti baro a movie version. heck, baka inton maiwakasko dagitoy, baka ire-readko met laeng ti maysa pay a novela ni gabo, ti "of love and other demons" ket iti kasta agsubli a maminpinsan ti interestko iti latin american fiction, kangrunaan iti magic realism (baka basaekto pay manen dagiti novela da isabel allende ken laura esquivel) a medio naiwawa gapu iti pannakaadikko iti fiction ken fictionizing ni haruki murakami. ken kangrunaanna, kaay-ayok, gusgustok man a subliasublian ti fiksion ken panagfikfiksion ni gabo marquez maipapan iti ayat. kinapudno kaaduan no di man met amin nga obrana ket nakain-indaklan a pakasaritaan, istoria, tale, pannakigasanggasat iti ayat. makapasegga ken makapaseggar kas itay kasla adda aglammiis iti durim wenno agpasgar dagita muldot dita teltelmo; makapakiki ken makapanibinibi ti built-in wenno inherent a humor ken ti nainmahikaan a kinanatural ti panagfiksionna iti nakem ken rikna ti ayat. padasenyo daytoy "love in the time of cholera" ken ti "of love and other demons" ken uray ti kaudian a novelana a "memories of my melancholy whores." ay, sadiay masavoryo ken masagang ti panagfikfiksion ti maysa met pay a gusgustok a fiksionista, ‘tay raraemek nga akinsarita iti kas iti "alimpapatok iti panawen ti ariangga" wenno "ayat iti panawen ti ariangga" dandaniw a kas koma iti "rugso iti panawen ti risiris" wenno "derrep iti panawen ti dangadang." you know who i mean.

national book award winner daytoy "three junes" ni julia glass. ngem diak pay rinugian. international best sellers met dagitoy "the lovely bones" ni alice sebold ken "bel canto" ni ann patchet. narugiakon ti "bel canto." booker prize winner met daytoy "vernon god little" ni dbc pierre. addan san 5 wenno 6 iti collectionko a booker prize winner. maysa daytoy "the sea" ni john banville a naguduakon ngem diak ammo no kaano nga ituloyko a basaen (nauuneg ti english ken panagenglishna, sika, highfalutin. ngem nakakaskasdaaw ti narrative stylena).

sumagmamano a panid laengen ket maiwakaskon daytoy "the metamorphosis" ni franz kafka. naidissok ket diak met masangon a leppasen. kasta met ti sumagmamano pay a sarita iti daytoy short story collection ni haruki a "blind willow, sleeping woman."

naguduak metten daytoy "banyaga, a song of war" ni charlson ong. addan sa metten 25 panid a nabasak itoy "beloved" ni nobel prize for literature laureate toni morrison (kuna man ti new york times a daytoy a novela kano ti the best a putar iti naglabas a 25 a tawen iti american fiction). tallo met a novella a western (’tay ngay koboykoboy nga is-istoria) ti mangbukel itoy "the golden west" a pinili ni jon tuska: obra dagiti 3 a kangrunaan a mannurat iti western, da louis l’amour, zane grey ken max brand.

dagitoy ti dadduma pay a pangted ken nalpasen, set 2:

narugianen ngem di met la maileppasen a basaen: "state of war" ni ninotchka rosca, "the amazing adventures of cavalier and clay" ni michael chabon (pulitzer prize winner for fiction daytoy a novela), "like water for chocolate" ni laura esquivel (actually, re-reading daytoy), "portrait in sepia" ni isabel allende, "the god of small things" ni arundhati roy (booker prize winner daytoy a novela), "the infinite plan" ni isabel allende… dagiti met naiwakaskon a nabasa dagitoy: "inkheart" ni cornelia funke (makapnek ken makapikapik nga obra para ubbing, hmm, ania ngata no pumayso no ipigsam ti agbasa ket agruar nga umay iti abay wenno sangom dagiti karakter iti basbasaem nga istoria? gatangekto manen ti sequel daytoy a "inkspell" ta adda sadiay ni nagpukaw a fenoglio), "the kite runner" ni khaled hosseini (madama a maipabpabuya met ti movie version daytoy nga international a best seller; adda manen baro a libro ni hosseini a maipapan met laeng iti afghanistan, ti "a thousand splendid suns"), "archangel" ni robert harris, "pompeii" ni robert harris, ken "vitals" ni greg bear.

set 3, dagiti diak pay narugian a basaen nga agur-uray a ma-devour:

"the turn of the screw, the aspen papers and two stories" ni henry james; "the best american short stories 2005" nga inedit ni michael chabon; "the shipping news" ni e. annie proulx (winner daytoy ti pulitzer prize ken national book award); "the lazarus rumba" ni ernesto maestre; "the mermaid chair" ni sue monk kidd; "timequake" ni kurt vonnegut; "the line of beauty" ni alan hollinghurst (booker prize winner a novela; madakamatko man pay a regalo daytoy a libro manipud ken manong ariel s. agcaoili iti panagsasarakmi idi iti maysa a taripnong iti ciudad ti batac. manen, thanx, mang ariel!); "honor lost" ni norma khouri; ken "that old ace in the hole" ni annie proulx.

dagita. there. adu pay ti pagibusan iti extra nga oras. narugian wenno pangted manipud pay 2005 or later, 2006, 2007 ket dumanon agingga iti 2008 ken beyond pay, la ketdi. ken manayonanto man ngata manen. as long as adu latta ti sale kada saglalaka a liblibro a malakaan. imagine no ti maysa a bookworm ket makaduktal iti national bookstore iti hardcovers a sag-65 pisos, 99 pisos ken 100 pisos? wenno dagita prize- ken award-winners a sag-140 pisos? ay, uray dikan ag-lunch ngata, hehe! wenno uray dikan agmermerienda wenno agsaramsam ta uray sag-3 pisos nga ilgat wenno sigit ti calamares (a favoritom ket dim’ ikankano uray kunkunada a nabalsamo iti formalin dagitoy nagdadakkel met la ketdin a laki!) ket sayangem adda la igatangmo iti libro….