mannurat.com

madama nga ug-ugmokak daytoy:

a la carte - food & fiction. antolohia dagiti sarita maipapan iti makmakan wenno sarsarita a nabinggasan iti makan, pannangan, panagluto.

kas maysa a mannangan ken no kua ket managluto met iti simple a putputahe nga ilokano, ginatangko a dagus daytoy a libro idi makitak iti nbs-tuguegarao. padpadaanak ketdi daytoy manipud nabasak iti website ti anvil publishing nga inruardan daytoy nga antolohia. ken manipud idi nabasak iti blog da butch dalisay, dean alfar ken ian casocot, tallo a mannurat a nairaman iti antolohia, ti maipapan itoy a libro.

wen, malaksid a mannangan, mannida, managluto no dadduma, mahiligak met a talaga iti makmakan, tartaraon, lutluto, putputahe, resresipe ken dadduma pay a bambanag a culinary. uray iti panagbasa, iti libro, isamsamirak daytoy a hilig. aggatangak no kua kadagiti cookbooks, recipe books ken liblibro maipapan iti culinary arts, food culture; agbasaak kadagiti articulo ken column maipapan iti makan ken pannangan; agsubaybay kadagiti food blogs a filipino, thai, malaysian, indonesian, chinese, vietnamese, burmese, indian; agsursursor kadagiti panganan iti ciudad ti tuguegarao tapno ramanak dagiti putaheda tapno ammok ti sukik a panganan, mangan, agluto, mangan, mangan, mangan…

how i wish nga adda, addanto met kastoy nga antolohia iti iloko dagiti mannurat nga ilokano a mannangan ken managluto.

nagimasen ketdi ngatan. ‘tay saan la a mental no di ket literalka a mabsog ken mamutittit uray basbasaem laeng.

padaanan…

no matuloy, a.

sarita ti 29 a mannurat iti cagayan.

bareng maisambot iti gf conference idiay currimao.

nasapa a kablaaw ti happy valentines iti amin a managayat, umaayat, aayaten, ay-ayaten, inayat, ayaten.

ket daytoy man, adda nasarakanda a dua a duog a rurog a naginnarakup, eternal embrace, a maipagarup nga ancient lovers ala-romeo and juliet (manipud iti cnn.com):

It could be humanity’s oldest story of doomed love.

Archaeologists have unearthed two skeletons from the Neolithic period locked in a tender embrace and buried outside Mantua. The site is just 25 miles south of Verona, the romantic city where Shakespeare set the star-crossed tale of "Romeo and Juliet."

how romantic! how eternal!

nabayagen a kayatko nga ipanablaag daytoy a banag. ngem at-atipaek ti kur-itko ta baka met maipato a pauyo wenno apal laeng daytoy, hehehe!

tunggal ngamin sarungkarak ti nabayag metten a nairuar a website ti likhaan: u.p. institute of creative writing, siempre, iklikko latta ti panilpo a "fellows" sadiay ket palabsak latta dagiti nagan dagiti nailista a fellows ti workshop manipud 1965 agingga iti 2003 (1965-present kunana ngem saan nga updated agingga iti agdama, di pay nailista ti 2003-2006).

ala, ket mabasak dagiti nagan dagiti ilokano a mannurat nga agsursurat iti iloko a nakipartisipar. ala, ket maayatanak met, a, iti panangisalida kadagiti mannurat iti iloko nga ilokano writers met, piman (ti adatna laeng ta inikkatdan ti iloko slot agraman sabsabali pay a rehional a pagsasao kas iti bikol ken sebuano ken hiligaynon itoy a nailian a worksiap dagiti mannurat; nadakamat daytoyen a pannakaikusay ti iloko iti u.p. workshop ni mang jim iti blogna ket nagsasaritaanmi sadiay kada mang ariel a nangtunged pay iti maipapan iti bambanag iti lengguahe).

iti panangpalabas iti listaan, maammuan nga immuna a nalagip ti u.p. nga iraman dagiti iloko writers idi 1991, iti maika-19 a worksiap a naangay iti mismo a u.p.-diliman, da manang tina gallato ken mang martin rochina dagiti nakipartisipar:

sa la napasarunuan daytoy a gundaway idi 1996, iti maika-26 a worksiap, idi a formal wenno ofisial nga inramanen ti u.p. creative writing center (up-cwc) pay la idi ti iloko kas paset ti worksiap iti ciudad ti baguio. adtoy man dagiti fellows iti 26th workshop:

agurayka, ayanna ngay dita dagiti iloko writers? masaludsodyo ngata.

dayta nga’d ti pagsensentimientuak piman, hehehe! dida ketdin inlista dagiti naganmi kadagiti kakaduak a napili a fellows para iti iloko. kaduak a fellows idi da atanud daniel l. nesperos, manang aida campos tiama, ni mang prodie gar. padios ken ni robert a fernandez. dakami la a tallo ketdi kada ‘tanud daniel ken manang aida ti nakakompleto iti nasurok a dua a lawas a worksiap. saan a nakadar-ay ni mang prodie gapu iti di napakpakadaan a paspasamak. saan met a nakompleto ni robert ti worksiap nupay nakaduami iti umuna a lawas.

ala, bareng malagipto met la ti likhaan nga inayon dagiti naganmi, dakami nga ilokano. maamakak ngamin ta baka kunaenda a wannabe wenno agbibisin wenno boguskami a fellows ta awankami met iti listaan ket ibagbagami a fellowskami.

adtoy, ilistak man met ditoy dagiti nairaman nga iloko fellows a nakitak iti website ti up-icw:

29th Workshop, 1997, Baguio City:

John B. Buhay
Pete Duldulao
Arnold P. Jose
Aileen Rambaud

32nd Workshop, 1998, Baguio City:

Mary Jane Daligcon-Aragon
Leticia Fariñas
Joel B. Manuel
Giovanni Palomares

34th Workshop, 1999, U.P. Baguio:

Delfin Dumayas
Renato A. Taylan

36th Workshop, 2000, U.P. Baguio:

Julio Belmes
Ma. Leonida Fres-Felix
Majelyn Monces

38th Workshop, 2001, U.P. Baguio:

Johmar R. Alvarez
Clarito de Francia

40th Workshop, 2002, U.P. Baguio:

Amibell Corpuz
Ariel S. Tabag

makapadanag met no maminsan dagitoy damag, ballaag maipapan iti kumarkaro a global warming gapu iti aramid-ti-tao a panangidadanes ken panangdadael iti nakaparsuaan, iti lubong a naedna.

kumakaro a kumarkaro ket 10 a tawen kano manipud ita, kuna dagiti sientista ken dadduma pay nga agad-adal, posible a sagabaentay’ dagiti nakaro nga epekto daytoy a warming kas koma iti naynay ken dadakkel a layus, superpigsa a bagyo ken dadduma pay.

ita pay, talaga met kanon a mapaspasaran ti global warming. nabayag pay ketdin.

daytoy man kano ti pammaneknek: