999 para ramit daniw/panagdaniw
drool! addan iti nbs ‘tay maysa kadagiti tagtagainepek a libro iti panagdaniwan. libro ni ted kooser a sigud a poet laureate ti estados unidos ken pulitzer prize winner iti poetry. ‘tay pay met hardcover edition!
ngem puonayen ta…
napalalo a nginana, kaka! 999 a pisos! awan met paperback edition ta amangan no nalaklaka piman.
999 pisos para iti panagdaniwan.
ngem kaniak, nupay nadagsen iti bulsa ket diak ammo no kaanokto a magatang daytoy, priceless daytoy a libro.
ta magustuak unay ti nakagaggagangay ken nakakadkadawyan a panagdandaniw ni kooser. nupay kasta, gagangay ken kadawyan a banag ken bambanagen, agbalin a complex, umun-uneg umim-imas, no anagem ken imutektekan ti ibagbaga ken bagbagaenna. kaykayatko pay dagiti nature poemsna. no ngata maikutak daytoy a librona no kasano ti panagputputarna wenno ti maibingayna iti panagputaran, baka ad-adu ken ad-adda pay met ti putar ken panagputarko (a mabaybay-ak manen kadagitoy a paniempo), kaniak, siak a naynay ken agnanayonto latta a beginning poet.
hmm, masapul nga irutan ti barikes ita a panawen, hehehe!
isapit iti del.icio.us
iraman iti digg
denggen
Ikidemmon, ading. no matukmaan ti sabali, awanton. sabali ngamin ti seguridad ti bukod a libro ket kadatayo nga agsursurat, masapul ti kanayon a panagasa iti buneng, di ngamin? maysa laeng a sako a bagas dayta. ikidemmon ta gatangemon. lipatemon ti coke wenno pepsi ket addan panggatang no kua.
nakuna ni aurelio agcaoili idi 1/25/2007 @ 3:06 pm
hell, super irut ti pamayam tanud tapno magatangmo dayta. Patiem ni Apo Illiong, baka awanton no subliam. Bay-am ta no umay makikomperensia ni Apo Lung-aw, ay, sumarabotanto ti para libro, hehehe. Uray ta doliar ti sueldona, yos! Ne, kumustakayo, Apo Lung-aw! Lung-awmi amin iti suli ti panagputar!
nakuna ni Anib idi 1/31/2007 @ 2:40 pm
dan:
napanan ti blogmon? aloha,
RVA. ginatangmon?
nakuna ni aurelio agcaoili idi 2/1/2007 @ 1:48 pm
puonay met daytan a nginana… saanla ngatan a 10 ti magatangna dayta iti wagwagan… kitaek no adda dayta nga author no madamdama…
nakuna ni iddo idi 2/4/2007 @ 6:45 am
appo a kakadua ken gagayyem, diak pay la nagatang ta awan a talaga ti 999 pisos a maisalikad a yala piman.
pamrayak la nga apan suksukalan nga uk-ukagen ken in-inuten a basbasaen ti kada chapterna, hihihi! kameraek pay no kua dagiti magustuak a panidna. unayen a kinamirmiraut, aya, ‘gamin!
nakuna ni rva idi 2/5/2007 @ 12:16 am
hehe. dua la a salaysay dayta, kaka tanud. yemailmon, ala.
komustakayo, appo nga aapongko iti berso: asa, jma, dln?
nakuna ni asseng idi 3/19/2007 @ 1:30 pm
roy, basbasaek tatta dayta libro. nagpintas.
nakuna ni george idi 4/5/2007 @ 1:09 pm