1. apay a bassit a saan a dakkel, kunam? hell, aniat’ pampanunotem? nota, as in note, pakaammo, wenno palagip–saan a ‘tay nota iti lingo dagiti bading, saan a swardspeak, okey, claro?

2. more about my blog transfer, wenno evacuation, panagbakwet, panagbakwit, panagbakuit, whatever. kas nasaokon iti baba, nasuronak iti kinabuntog ken kina-inefficient iti agdama ti blogger.com. adun a postek ti napukaw, kailala a di naiposte, ta no kua bigla nga agloko ti blogging system ti blogger.com. ‘tay napasamak idi naminsan nga aldaw ti last straw. i was writing furiously about books, secondhand books, newly acquired books a brand new, especially about my acquisition, sa wakas, iti kopia ti "salamanca" ni dean francis alfar manipud iti kabarbaro a bookstore ditoy tuguegarao city, and then idi ipostekon, nagpukaw ketdin uray kasano ti rigrigatko a nangpadas a mangrecover, naluktak amin a cookies kas kada temporary files, awan, awan, shit, awan! isu nga umakarakon, kunak. bay-amon uray adda tay ipramramisda a blogger beta nga ad-adun ti nagmamayat a featuresna (like categories ek-ek kdpy a kaeklatan). wordpress is way better than anything. wordpress ti sistema nga us-usaren daytoy blogsome. testedko ngamin daytoyen iti blogko a geekmannurat. pinadasko iti wordpress free blog hosting, adda actually rinugiak sadiay a mannurot account met laeng, ngem diak nagustuan, diak intuloy ta i feel limitado ti features nga allowed compared ditoy blogsome.com. so, addayta ti rason, ti gapuna. ti la madillawko pay ita iti blogging system ti wordpress ditoy blogsome, dinaka palubosan nga i-customize unay ti html code ti postem. i-overrride no kua ti css ti system dagiti ipanmo a bukodmo a css wenno html tags, kas pagarigan koma no pabassitem ti size dagiti fonts, dina ikankano, surotenna ti adda a naka-specify iti default css template. i’m trying to tweak the html codes, aglalo ti css template.

3. ania dayta headermo, uggot ti ania dayta? pinagay-ayamak laeng a sinuktan ti default header image ti napilik a template. nagkitaak kadagitay lebbenko a pics iti digital camerak ket nakitak daytoy piniktiurko idi a nakataltalubo nga uggot ti kaimulmulan sa a palakay a santol. wen, santol! nakitak dayta a mula iti uneg ti maysa a mountain resort ditoy tuguegarao. napateg ngamin kaniak ti santol. malaksid a pavoritok a bunga, i’m also much identified iti santol iti fact nga i’m i-casantolan, you know! casantolan ti nagan ti purokmi iti barangaymi a mabasa iti ilimi a dupax del norte idiay nueva vizcaya. wen, adu a santol idiay casantolan. idiay laeng arubayanmi adda idi tallo a nagdadakkel a pinuon ti santol. sadly, natayen ‘tay maysa a pinuon, nabayagen a dimmapo ti nabalbalsig a kayona a nain-inut a pinagtungomi. ‘tay maysa met, matmatay san ta agin-inut a magangon dagiti sangana. ‘tay maysa, narukbos pay laeng met piman.

4. apay a mannurot? technically, naaramatko ngaminen ti mannurat nga account ditoy blogsome. ken "mannurot" a talaga ti kayatko. mannurotak pay la ngamin ket no kua kasla maal-alumiimak a mangusar wenno mangawag iti bagik kas "mannurat." ngem para kaniak ti kinamannurat ket kinamannurot met laeng, ken vice versa. no agsuratka, adu ti surotem nga annurotem, bukodmo man wenno iti sabali. no sumurotka met iti annuroten, makasuratka. makasuratka iti panagsurot. no mannurotka, mannuratka met laeng. apay ngamin ngata a kasla negativo wenno nababa ti panagkita wenno panagriknatayo iti maysa a "mannurot laeng?" mannurot = agdadamo? mannurat = beterano/bangolan? sinno ti saan a nangrugi iti kinaagdadamo? ken sinno ti saan a naynay nga agdadamo? siak, maysaakto latta nga agdadamo. ta bayat iti ibabayag ti innak panagsursurat wenno panagpadpadas nga agsurat ken agmannurat, adu ken umad-adu dagiti baro a takuat ken duktalko, adu ken umad-adu dagiti baro a maadal ken masursuro. ket naynayak nga agdadamo, maysaak latta a "mannurot" kadagita a kabarbaro a takuat ken padas iti panagsuratan ken panagmannuratan. bow!

5. ahem…. naibusanakon iti babassit a nota… ‘ton kua manen.